الهنـــــا عظيم
"هوذا الله
عظيم ولانعرفه "(أيوب 36:26)
كان يوجد طفلة مسافرة على مقعد فى الطائرة بجوار كاهن وفجأة تم التنبيه
بربط حزام الامان
فسأل الكاهن ماالموضوع وعرف أن الطائرة تمر بمطبات والجو مش مستقر وبدأالكل
يخاف ويبكى ولكن الطفلة لم ترتبك أو تخاف بل كانت تشاهد من الشباك وبدأ الكاهن
يستعجب من هدوء الطفلة وبعد هبوط الطائرة الاضطرارى
أراد الكاهن ان يعرف سبب هدوء الطفلة فقالت له لان ابى
هو سائق الطائرة
ياليتنا نعرف ان ابانا يسوع المسيح هو الذى يقود حياتنا فلانخاف
ياليتنا نعرف وندرك عظمة الله ونعرفه حتى لايقال علينا لانعرفه كما فى
الاية "هوذا الله عظيم ولانعرفه "(أيوب 26 :36)
عجبتنى مقولة : GOD IS LOVE
معناها الله محبة وليس الله يحب لان عمق عظمة ربنا فى محبته لينا
أ/ مينا موريس
يوجد حدثين مهمين فى أحداث الميلاد المجيد
الحدث الاول : حبل السيدة العذراء دون ان تعرف رجلا : (لوقا
ا : 28-38)
فحينما بشر الملاك جبرائيل السيدة العذراء مريم بشارة واضحة وصريحة بأنها
ستلد مخلص العالم فقالت السيدة العذراء له "كيف يكون هذا وأنا لست أعرف
رجلا "
(لوقا 1: 34)
وهنا يوجد استحالة بالتفكير العقلى والمنطقى أن تحبل عذراء دون أن تعرف
رجلا ولكن الملاك قال لها : "ليس شئ غير ممكن لدى الله "
(لوقا 1: 37)
وهنا تظهر قدرة الله على عمل المستحيلات
الحدث الثانى : هو حبل اليصابات رغم تقدمها فى السن:(
لوقا 11:1-17)
حيث عندما ظهر الملاك جبرائيل لزكريا فى المذبح وبشره بولادة اليصابات ليوحنا وانه سيكون ذا شأن
عظيم أمام الرب
استعجب زكريا وقال له "كيف أعلم هذا لأنى انا شيخ وامرأتى متقدمة
فى أيامها "
فقال له الملاك "أنا جبرائيل الواقف أمام الله
أبشرك بهذا وهاأنت تكون صامتا الى اليوم الذى يكون فيه هذا "(لوقا 1: 18-20)
وهنا يوجد استحالة فى الحدثين بتفكيرنا البشرى المحدود
فأحيانا يتضايق الله من شك أولاده بوعوده وتحليل المشاكل والحلول بطريقة
بشرية متناسين القدرة الالهية التى تتعامل معنا بفكر وقدرة الله وليس بفكر وقدرة
البشر
فربنا لما يعطينا وعد وهذا الوعد مش فى قدرتى ومش منطقى فبدل من أن الانسان
يعترف بأنه لايفهم قدرة الله وان قدرة الله ستنفذ هذا الوعد فى ظل الظروف
الحالية
يقول ان هذا غير منطقى
فكلنا بنحكم على الامور من وجهة نظر بشرية وليس من وجهة نظر الهية وقدرة
ربنا على عمل المستحيل
لذلك ثقتنا وايماننا بقدرة الله
بتهتز لانى واثق فى عقلى اكثر من انا واثق فى ربنا
لكن هذا ليس معناه ان نكون مسلوبين الارادة والتفكير ومنفكرش -لأ طبعا-
لكن مش من حقنا أن نقيم ربنا وأحكامه
فلو تأملنا مثلا : الشمس وحكمته فى وضعها بهذا الوضع
تخيلوا لو الشمس قربت فيمتو ثانية تنحرق
الارض وهذا جزء بسيط من حكمة ربنا ومن رحمته علينا
ماأبعد قدرة ووعود ربنا على استيعابنا
قصة :
كان هناك رجل يتأمل فى أحكام الله ولماذا خلق الله هذا فقير
وهذا غنى ؟ وفيما هو يتأمل فى ذلك على احدى الشواطئ ظهر له ملاك الرب وقال له
لماذا تفكر هكذا
الان احفر حفرة بجانب البحر وانقل كل ماء هذا البحر فى هذه الحفرة
فأجاب الرجل : لاتستطيع هذه الحفرة المحدودة ان تسع هذه الماء الغير محدود
فأجاب الملاك : وهكذا أيضا لايستطيع عقل الانسان المحدود ان يسع حكمة الله
الغير محدودة
فربنا الذى اعطى ووعد بحماية كنيسته واولاده وانه يخلصلك ويخلصنى هو قادر
على كل شئ
" فمن يقبل الى لااخرجه خارجا "
فعندما يقول الشيطان ان مش انت المقصود فى الاية ديه لانك مش كويس
فى الحالة ديه لازم نصدق وعد ربنا
مش الشيطان
أبونا يوحنا مجدى
فضيلة الشكر
"ليست نعمة بلا
زيادةالا التى بلاشكر"
أحيانا لما حد بيسألنا عن احوالنا نقوله نشكر ربنا لكن أنا عندى مشكلة فى
البيت ومشكلة فى الشغل ومشكلة فى ................الخ
بننسى ان الشغل ده نعمة من ربنا وان ناس كتير حوالينا مش لاقين شغل
والبيت ده اللى أنا معتبره مشكلة فى ناس كتير محتاجة له وعمرنا ماشكرنا
ربنا بجد عن اى نعم من نعمه
بدليل حد فينا بيشكرربنا عن كل يوم جديد بنصحى فيه وربنا بيعطيه لينا فرصة
للتوبة ؟
حد فينا بيشكر ربنا على التناول اللى بيخلى ربنا بنفسه جواى ؟
حد فينا بيشكر ربنا على صحته اللى كتير من الناس اللى حوالينا بتعانى من
الامراض المستعصية ؟
حد فينا بيشكر ربنا على انه اتولد
ابن المسيح؟
رغم ان النعمة ديه مش كتير من
الناس بتتمتع بيها
حد فينا بيشكر ربنا على نعمة الغفران؟
رغم ان احنا الناس الوحيدين اللى
ربنا اعطانا فرصة الغفران عن طريق اب الاعتراف ومش بس كده – ده كمان بعد الاعتراف
بيرمى خطايانا فى بحر النسيان ولايعود يذكرها مرة تانى
كلنا أحيانا بنشكر ربنا على الحاجات الحلوة الى فى حياتنا لكن حد فينا
بيشكر ربنا على الحاجات الوحشة اللى ربنا بيرفعها عنا ؟
قصة:
كان هناك موظف كل يوم يوصل والدته قبل مايروح شغله وفى يوم الايام والدته
تأخرت وبالتالى تأخر هو عن شغله فغضب جدا وقرر بعد ان يوصل والدته هيرجع البيت
ويأخذ النهاردة اجازة من شغله وفيما هوجالس فى البيت ويشاهد التلفاز راى مكتبه وهو
ينهار
حيث انه يعمل بمبنى التجارة العالمى الذى انهار فى احداث سبتمبر
أيضا هناك قصة أخرى:
عن شخص كان يبحث عن عمل وكان لازم
يروح الانترفيو فى مصر لكى يستلم العمل وفيما هويبحث عن وسيلة مواصلات من
الاسكندرية لمصر وجد كرسى فارغا بالسيارة وعندما جرى ليركبه سبقه اخر وركب فاغتاظ جدا ذلك الشخص وعاتب ربنا على ماحدث
وبعد ذلك ركب سيارة اجرة اخرى ولكن اثناء سفره شاهد السيارة التى فاتته تحت
عربة لورى وكل الاشخاص التى فيها ليسوا على قيد الحياة بعد
عمرك شكرت ربنا على كل تعطيل أو تأخير ؟
عمرك شكرت ربنا على الحياة ديه اللى ربنا اعطاها فرصة ليك لكى تتوب ؟
عمرك شكرت ربنا على تعزيته لينا فى الشدة؟
قصة أخرى :
فى احدى البلاد الاجنبية رجل تشاجر مع زوجته فقتلها بالمسدس ولما راته
ابنته لم يحتمل ذلك فقتل نفسه وتاخر اكتشاف هذا الحادث ليلة كاملة قضتها هذه
الطفلة مع هذا المنظر المروع وبعد اكتشاف الحادث اخذوا الطفلة الى احدى المصحات
النفسية لمعالجتها وبعد ذلك الى احدى الملاجئ
وفى هذا الملجئ كان يوجد خادم يريد ان يحكى للطفلة عن المسيح ولكن مش عارف
يبدأ منين ويعرفها بالمسيح ازاى
فاعطى للطفلة صورة السيد المسيح وسالها هل تعرفه؟
فقالت : أيوه – هو ده الشخص اللى كان حضنى لما بابا وماما ماتوا
لغاية لما الناس جت واخذت ماما
وبابا للمستشفى
كتير جدا بنحزن وبنزعل وماحدش بيحس بينا غير ربنا وديه نعمة المفروض نشكر
ربنا عليها
قبل بداية العام الجديد لازم تجلس مع نفسك
الشيطان اكتر حاجة بيخاف منها هو ان الانسان يجلس مع نفسه ويراجع اخطاءه
1- اجلس
مع نفسك وراجع اخطاءك العام اللى فات من ناحية ربنا ومن ناحية الناس اللى حواليك
ومن ناحية نفسك
وشوف انت زعلت ربنا فى ايه ولازم تغير نفسك السنة الجديدة
2- ضع
خطة روحية جديدة للعام الجديد
شوف نفسك ايه اللى تقدر تغيره
فى نفسك بمعونة ربنا فى السنة الجديدة
وايه اللى قصرت فيه السنة اللى فاتت وتقدر تعوضه السنة ديه
ايه اللى ممكن تقدمه لربنا السنة الجديدة وقبل كل شئ لازم تقدم قلبك لربنا بتوبة صادقة
لازم تضع خطة روحية لنفسك تخليك تمشى مع ربنا وتسيب خطاياك وتعترف بيها حتى
يضعها الله فى بحر النسيان ولايعود ان يذكرها
تقديم أ: بيشوى
"هكذا احب الله العالم حتى بذل ابنه الوحيد لكى
يهلك كل من يؤمن به
بل تكون له الحياة الابدية"
(يوحنا 16:3)
محبة الله وصفاتها :
1-
محبة غير مشروطة : أى بدون شرط ويتضح
معنى ذلك من جملة هكذا أحب الله العالم أى ان المحبة ديه مستمرة فى كل الاحوال
بدون اى شروط
2-
محبة لامحدودة(أحب الله العالم
)
احب الجميع وليس مجموعة معينة
يعنى مش المسيحين بس بل يحب العالم كله
3-
محبة عاملة/ بقوله :
(حتى انه بذل ابنه الوحيد )
حيث ان المحبة ليس بالكلام فقط
وانما ببذل الثمن
4-محبة للخلاص /بقوله )لكى لايهلك كل)
فمحبة الاب محبة لاجل خلاص
الانسان من شره ومن خطيئته فالله يريد ان الجميع يخلصون والى معرفة الحق يقبلون
5-محبة للحياة /بقوله :
لايهلك كل من يؤمن به بل تكون
له الحياة الابدية
أى تكون له الحياة ويحيى بهذه
الحياة نتيجة للمحبة الممنوحة له
6- محبة ابدية :(بل
تكون له الحياة الابدية )
محبة الاب هى محبة للابد اى الى
النهاية
"محبة ابدية احببتك "
(ارميا3:31)
"الله بين محبته لنا ،
لانه وبعد خطاة مات المسيح لاجلنا "
(رو
8:5)
تقديم :أ: فادى سمير
ليست هناك تعليقات:
إرسال تعليق