السبت، 28 مارس 2015

ميكروتليسكوب موضوع أجتماع الشباب 26/3/2015

أ/ سامر: العين البشريه





أ / أبرام : وظيفه الكليه و كرات الدم البيضاء و ربطهما بوظيفه الانجيل لنا





أبونا دانيال و أبصاليه يوم الاربعاء



أبونا دانيال / مراجعه أبصاليه يوم الاثنين




تدريب : صلاه يسوع لمده ذقيقتين يوميا : ياربى يسوع المسيح ابن الله الحى ارحمنى انا الخاطئ
تلك الصلاه و اسم يسوع تمنحنى الفرح و تبعد عنى الكابه و تمنحنى ثمر فى كل حين
نردد تلك الصلاه فى مكان هادئ و بتركيز شديد و بشعور حضره يسوع فى المكان
خبره لابونا لوقا : وجوده فى الكنيسه المستمر و عشرته مع الله أعطاه فرح دائم و منع الكابه عنه طول فتره خدمته 9 سنوات
أ / ابراهيم : ليه قلوبنا بتدق











 جون و ليديا / المشاعر تنتج من القلب ام العقل








الثلاثاء، 24 مارس 2015

الدعوه عامه أجتماع الشباب ليوم الخميس 19 /3 / 2015

ملخص اجتماع الدعوة عامة
أول حاجة الاستقبال:
جبنا ملبس و كوكيز و وزعنا أرقام التمبولا




أ/مينا موريس
وعظة للبابا شنودة بعنوان "الله هو الساعى الينا"
-*دعوة ربنا لينا:
-ربنا دعا شاول الطرسوسى و شاول سمع الدعوة و قبلها و بقى بولس الرسول
-ربنا دعا ابراهيم و قال له:"اذهب من أرضك و من عشيرتك و من بيت أبيك الى الأرض التى أريك" (تك 1:12)
ربنا بيدعو كل الناس انها تروحله و تتمتع بيه
ربنا ماجاش عشان خاطر الأبرار بس، جه عشان الكل
ربنا بيروح للكل للأبرار و للخطاة:
-راح لأدم و حواء و اتكلم معاهم لما أخطأوا
-راح للفريسى و دخل بيته و اتعشى معاه
-راح للسامرية و اتكلم معاها
-يا ترى قلبك مع ربنا و لا لأ؟ تعرفه و لا بتسمع عنه بس؟
ربنا بيقولنا:"يا ابنى اعطنى قلبك و لتلاحظ عيناك طرقى" (أم 26:23)
*السؤال دة كان ب 5 جنيه
-"و أقام اثنى عشر ليكونوا معه و ليرسلهم ليكرزوا" (مر 14:3)
ربنا دعا التلاميذ ليه؟
معظمنا قال عشان يكرزوا
بس الاجابة الصح عشان يبقوا معاه الأول و نتيجة دة يكرزوا باسمه
-"لأن ابن الانسان قد جاء لكى يخلص ما قد هلك" (مت 11:18)
ربنا هو اللى بيدور علينا مش احنا اللى بندور عليه
ربنا جه عشان يدور علينا و يخلصنا كلنا
جه عشان الخطاة زى السامرية و المخلع اللى بقاله 38 سنة مش بيتحرك
حتى الناس اللى رفضوه بيدور عليهم
بس هل احنا بنسمع صوت ربنا؟!!!و لما بنسمع بنقبل دعوته؟!!!


أ/مارك جرجس
لماذا أرفض دعوة الله (سماع صوت الله)؟
فى ناس بترفض و ناس بتقبل بس فيه اجابة تالتة ان فى ناس مش بتسمع أصلا صوت ربنا
ربنا بيكلمنا كتير و بيبعتلنا رسايل كل يوم بطرق مختلفة:
رسايل حب،تشجيع،توبة،تحذير أو وصايا و وعود
*عدم سماعنا لصوت ربنا:
"هكذا يقول الرب فاديك قدوس اسرائيل أنا الرب الهك معلمك لتنتفع و أمشيك فى طريق تسلك فيه ليتك أصغيت لوصاياى فكأن لنهر سلامك و برك كلجج البحر"
كلنا بنسمع القداس،وعظة،عشية.....لكن مش بنصغى (مش بنركز فى الكلام)
صموئيل النبى قال لشاول و هو رايح يحارب عماليق انه يقتل كل الناس و كل الغنم و المواشى لكن شاول لما راح مقتلش اجاج ملك عماليق و ساب الغنم الجيد
فلما صموئيل عرف اتضايق جدا عشان شاول منفذش كلام ربنا و لما سأله ايه صوت الغنم اللى أنا سمعه راح رد عليه و قاله انه أخد الغنم الجيد من عماليق عشان يذبح للرب فراح صموئيل قاله:"هل مسرة الرب بالمحرقات و الذبائح كما باستماع صوت الرب هوذا الاستماع أفضل من الذبيحة و الاصغاء أفضل من شحم الكباش"(1صم 22:15)
هل ربنا بيفرح لما نحضر قداس او عشية أو أى اجتماع و احنا بنسمع بس من غير ما نصغى و نركز
*معطلات استماع صوت الله:
1) رأى غلط:
لوط اختار الأرض اللى عجباه (سدوم و عمورة) و راح سكن فيها رغم ان أهلها مكنوش بيعبدوا ربنا و كانت النتيجة ان ربنا اهلك سدوم و عمورة و مرات لوط ماتت و اتحولت لعمود ملح
2) مشورة غلط:
"لأنك بالتدابير تعمل حربكو الخلاص بكثرة المشيرين"(أم 6:24)
جه الشعب و اشتكى لرحبعام ابن سليمان اللى بقى ملك بعد لما باباه مات و قالوا له انه يخف عليهم شوية و ميبقاش شديد زي سليمان فقال لهم تعالوا بعد 3 أيام و هقولوكوا ردى
سأل رحبعام الشيوخ فقالوا له لو عاملت الشعب كويس و بلين و حبتهم و بقيت عبد ليهم تخدمهم هتلقيهم حبوك و بقوا عبيد ليك كل الأيام.
و راح سأل صحابه فقالوا له عاملهم بشدة و اقسو عليهك أكتر من باباك و أدبهم بالسياط.
لما الشعب جه فى اليوم التالت قالهم رحبعام كلام صحابه الأشرار و كانت النتيجة انشقاق المملكة و جلب الله شر على بيته
3) الاستعجال:
-"فمات شاول بخيانته التى بها خان الرب من أجل كلام الرب الذى لم يحفظه و أيضا لاجل طلبه الى الجان للسؤال و لم يسأل من الرب"(1أخ 13:10)
-"فقالت ساراى لابرام:هوذا الرب قد أمسكنى عن الولادة أدخل على جاريتى لعلى أرزق منها بنين.فسمع ابرام لقول ساراى"(تك 2:16)
4) الاستسلام للحزن أو الخوف:
-ايليا النبى لما كانت ايزابل عايزة تقتله
"فلما رأى ذلك قام و مضى لأجل نفسه،و أتى الى بئر سبع التى ليهوذا و ترك غلامه هناك ثم سار فى البرية مسيرة يوم،حتى أتى و جلس تحت رتمة و طلب الموت لنفسه"(1مل 3:19)
-مريم المجدلية لما راحت القبر و ملقتش جسد السيد المسيح
-تلميذى عمواس لما ربنا ظهرلهم و معرفهوش فى الأول
5) قسوة القلب:
"اليوم ان سمعتم صوته فلا تقسو قلوبكم"(عب 7:4)
6) المشغولية:
"فأجاب يسوع و قال لها مرثا مرثا أنت تهتمين و تضطربين لأجل أمور كثيرة"(لو 41:10)
7) الاصرار على الخطية:
"لأن يوحنا كان يقول لهيرودس لا يحل أن تكون لك امرأة أخيك"(مر 18:6)
"لأن هيرودس كان يهاب يوحنا عالما انه رجل بار و قديس و كان يحفظه و اذ سمعه فعل كثيرا و سمعه بسرور"(مر 20:6)
رغم كل دة اتجوز هيروديا اللى كانت زوجة أخيه فيلبس و سمع كلام بنتهاو قطع رأس يوحنا المعمدان
8)رفض التلمذة:
"ويل للحكماء فى أعين أنفسهم و الفهماء عند ذواتهم"(اش 21:5)
"انك تقول:انى أنا غنى و قد استغنيت و لا حاجة لى الى شىء و لست تعلم انك أنت الشقى و البئس و فقير و أعمى و عريان"(رؤ 17:3)
"انى كل من أحبه أوبخه و أؤدبه فكن.غيورا و تب"(رؤ 19:3)


أ/أسامة حلمى
طقس دورة الصليب:
يلف أبونا و الشمامسة حول الكنيسة و عند كل أيقونة بيقرأوا جزء من الانجيل و بيبدأوا من الهيكل---> أيقونة العذراء---> الملاك جبرائيل---> الملاك ميخائيل---> مارمرقس---> الرسل---> مارجرجس---> الأنبا أنطونيوس---> عند باب المعمودية---> اللقان---> باب الدياكونية (كانوا بيحطوا فيه عطايا زمان ---> يرجعوا للهيكل تانى
أى زفة فيها شوية حاجات نلاحظها:
1) كلنا مدعوين نمشى فى موكب النصرة بتاع ربنا محدش يقول أصل دول قديسين و احنا خطاة......الكل مدعو
2) تبدأ الزفة من الهيكل و يلفوا الكنيسة و يرجعوا تانى للهيكل (تركيزنا لازم يبقى على السماء "الهيكل")
3) بيلفوا فى الزفة عكس عقارب الساعة (خليكوا مرفوعين فوق الزمن و الانشغالات اللى على الأرض.خليكوا مشغولين بالسماء)
الأنبا بولا قبل ما يبقى أنبا كان مشغول بالأرض و لما بقى مشغول بالسماء ساب كل حاجة وراه و عاش هدفه السماء
4) الشمامسة و الكهنة بيلبسوا أبيض---> لون السماء
الأبيض---> رمز النقاوة
لازم ننقى قلوبنا و عيونا و تفكيرنا......
5) الشماس اللى ماشى فى الأول ماسك الصليب (الصليب هو القائد)
6) اللحن المميز دايما مفرح (ربنا دعانا للفرح مش للحزن)
المسيحية فرح و انتصار
"لأن الله لم يعطنا روح الفشل،بل روح القوة و المحبة و النصح"(2 تى 7:1)


أبونا دانيال
فيه عيدين للصليب بنحتفل بيهم
واحد فى 10 برمهات (اللى احتفلنا بيه الخميس اللى فات) و التانى فى 17 توت
هنكمل تدريب صلاة يسوع
اسمها صلاة يسوع --- عشان بنادى على يسوع و بنذكر اسمه
بنادى عليه بقلبنا و بلسانا و بحواسنا و بكل حاجة و هو يقدسنا
مافيش حاجة تقدر تقف قدام اسم ربنا يسوع المسيح
دة سر من الأسرار اللى الشهداء و القديسين سابوا كل حاجة عشان يشتروا جوهرة ثمينة غالية الثمن (اسم ربنا)
اوعى حد ينسى دة سلاح فى ايدنا (كل من يقول يا رب يسوع كمن بيده سيف يصرع العدو)--- جزء من ابصالية الاتنين


التمبولا 
المرة دى اختارنا أرقام من الولاد و البنات و سألناهم أسئلة من الاجتماعين اللى فاتوا و اللى عرفوا يجاوبوا أخدوا الهدايا
الهدايا كانت كرفتة للولاد و سلسلة بصليب للبنات و مخدتين عليهم صورة الأنبا ونس

السبت، 14 مارس 2015

لقاء الجبابره فى يوم الخميس 12/3/2015

ملخص اجتماع لقاء الجبابرة:
أول حاجة الاستقبال
كان فيه بيتزا صيامى و أرقام السحب كانت على موز



أبونا دانيال
ابصالية---< معناها ترنيمة
ابصالية الاتنين---< ربى يسوع متكررة فيها
رنمنا الابصالية و بعدين أبونا كمل كلامه
الاباء لما كانوا بيقولوا ربي يسوع كانوا بينادوه مش مجرد كلام
صلاة يسوع(صلاة سهمية):
يا ربى يسوع المسيح ابن الله الحى ارحمنى أنا الخاطىء
يا ترى بنرنم لربنا؟ يا تري ربنا ملك على فكرى و مشاعرى؟
-جزء من الابصالية:
(كل من يقول يا ربى يسوع كمن بيده سيف يصرع العدو)
اسم ربنا يسوع المسيح ---< سلاح الجبابرة
داود قال لجليات---< "انت تأتى الى بسيف و رمح و بترس و انا اتى اليك باسم رب الجنود اله صفوف اسرائيل الذين عيرتهم" (1 صم 45:17)
أوعى تنشغل عن اسمه أوعى تنسي وصاياه
دايما قول فى قليل القليل نذكرك يا ربى يسوع---< جزء من ابصالية الاتنين
تدريب الاسبوع دة---< نصلى صلاة يسوع لما ننزل فى الشارع ببطء و هدوء و تركيز و ندرك قوة اسم المسيح


أبونا لوقا
(كثيرة جدا هى رأفتك أيها الحاكم العادل يا ربى يسوع)---> جزء من ابصالية الاتنين
فى سفر التثنية موسى قعد يلح على ربنا انه يدخل أرض الموعد لكن ربنا مراداش
و فى العهد الجديد دخل ربنا موسى أرض الموعد فى التجلى لما ظهر و معاه موسى و ايليا و جبل التجلى كان فى أرض الموعد 
و الموقف دة يدل على مراحم ربنا الكتيرة


أ/مرقس أمين خدمة شباب فى كنيسة العذراء بكليوباترا
المعرفة توصلنى لربنا "هلك شعبى لعدم معرفتى"
(كل الصديقين الذين أرضوا الله يدرسون الناموس كله)--->جزء من ابصالية الاتنين
كل ما نعرف عن ربنا أكتر كل ما نحبه أكتر كل ما طاقات الحب عندنا تتفتح فنحب الناس عشان "الله محبة"
-أبونا بيشوى لما عرف ربنا حبه جدا و بالتالى حب كل الناس
-الأنبا ابرام من كتر حبه لربنا حب الفقراء و كان على طول بيساعدهم

*الفراغ العاطفى:
- السامرية كان عندها فراغ عاطفى (مفيش شبع بربنا)---> الشبع الحقيقى موجود فى الصليب (اشباع الجموع)
المسيح هو اللى هيشبعنا و هيشبع احتياجاتنا
لازم يكون فيه تحكيم للعقل مش ننيمه و نخلى العاطفة بس تشتغل
أ/سامر كميل
(يوم ما تفكر تنشن لازم تصيب)
*مفهوم الارادة:
التصميم على تحقيق الهدف
*مميزات الارادة:
1-الاستمرار:
أرتور فيشر كان عامل بناء ألمانى الجنسية و لكنه بدأ يخترع اختراعات فى مجال البناء و استمر فى ذلك و زادت اختراعاته رغم انه كان عامل بناء فى البداية
-اخترع 1100 اختراع و الاختراع ال 486 كان مسمار الفيشر الشهير
-تنتج شركته 15 مليون مسمار كل سنة
2-الثبات:
ابراهام لينكولن الرئيس ال 16 لأمريكا
"أنا أسير ببطء لكنى لا أسير الى الخلف ابدا"
-كان فاشل من و هو عنده 20 سنة لغاية 52 سنة (الأعمال الحرة-سياسة فى بداية الأمر-التمثيل-الرسم-وعظ الناس).فشل فى كل حاجة
-دخل فى الحياة السياسية و هو عنده 30 سنة و خسر فى انتخابات الكونجرس
-أصيب بانهيار عصبى و هو عنده 36 سنة
-خسر فى انتخابات الكونجرس و هو عنده 36 سنة
-خسر فى الفوز بلقب السيناتور
لكنه لم ييأس أو يستسلم
-فى عام 1861 أصبح رئيس للولايات المتحدة الأمريكية و هو عنده 52 سنة
(الارادة القوية=مصاعب-التحدى)
3-الارادة السماوية:
"فى الايمان مات هؤلاء أجمعون و هم لم ينالوا المواعيد بل من بعيد نظروها و صدقوها و حيوها و اقروا بانهم غرباء و نزلاء على الأرض" (عب13:11)

التمبولا كانت مختلفة المرة دى 
اختارنا رقمين من الولاد و رقمين من البنات و عملنا مسابقة أمثال شعبية
و اللى جاوب أكتر كسب الهدية
جايزة الولاد كانت دمبلز 
و جايزة البنات كانت مج حرارى (بيحتفظ بالمشروبات سخنة)
و فى الاخر كان فى مشروبات سخنة (شاى و نسكافيه) مع بسكوت بالعجوة
متعدوش الاسبوع من غير ما تحضروا الاجتماع بجد هيفرق معاكوا
مستنينكوا الاسبوع اللى جاى مع مفاجأت جديدة و هدايا جامدة
واللى جاى أحلى ؛)